“সুযোগ মুকলি”
নৱবার্তা গুৱাহাটী : – মাষ্টাৰকাৰ্ড চেণ্টাৰ ফৰ ইনক্লুছিভ গ্ৰ’থৰ পুঁজিৰে ‘মণ্ডি’ (Mainstreaming Agriculture through Networks and Development Initiatives) শীৰ্ষক চি এছ আৰ কাৰ্যসূচীৰ অধীনত এক্সেছ ডেভেলপমেন্ট ছাৰ্ভিচে “বিত্তীয় আৰু বজাৰত প্ৰৱেশৰ সন্দৰ্ভত এফ পি অ’ সন্মিলন” সফলতাৰে আয়োজন কৰে।” ২০২৪ চনৰ ১৯ মাৰ্চত গুৱাহাটীৰ খাৰঘুলি পাহাৰৰ জয়পুৰস্থিত ডন বস্কো ইনষ্টিটিউট অৱ মেনেজমেণ্টত অনুষ্ঠিত হয় এই অনুষ্ঠান।
কৃষি খণ্ডত বিকাশ আৰু সহযোগিতা বৃদ্ধিৰ বাবে অসম আৰু উত্তৰ-পূৰ্বাঞ্চলৰ ৩০টা কৃষক উৎপাদক সংস্থা (এফপিচি)ক বিত্তীয় প্ৰতিষ্ঠান আৰু বজাৰৰ মূল সংস্থাৰ সৈতে সংযোগ কৰাই এই সন্মিলনৰ লক্ষ্য। এই মঞ্চই এফপিঅ’সমূহক উন্নয়নৰ পথসমূহ অন্বেষণ আৰু অৰ্থপূৰ্ণ অংশীদাৰিত্ব গঢ়ি তুলিবলৈ পৰিৱেশতন্ত্ৰৰ প্ৰতিষ্ঠানসমূহৰ সৈতে মত বিনিময় কৰাৰ সুযোগ প্ৰদান কৰে।
অনুষ্ঠানত মুখ্য অতিথি হিচাপে উপস্থিত থাকে নৰ্থ ইষ্টাৰ্ণ ডেভেলপমেণ্ট ফাইনেন্স কৰ্পৰেশ্যন লিমিটেডৰ অধ্যক্ষ তথা পৰিচালন সঞ্চালক পিভিএছএলএন মূৰ্তিকে ধৰি সন্মানীয় বিশিষ্ট ব্যক্তিসকল। নেচনেল বেংক ফৰ এগ্ৰিকালচাৰ এণ্ড ৰুৰেল ডেভেলপমেণ্টৰ মহাপ্ৰবন্ধক নবীন কুমাৰ ৰয়েও বিশিষ্ট অতিথি হিচাপে অংশগ্ৰহণ কৰি গ্ৰাম্য উন্নয়নৰ বাবে আৰ্থিক অন্তৰ্ভুক্তি আৰু বজাৰ প্ৰৱেশৰ গুৰুত্বৰ ওপৰত আলোকপাত কৰে।
চৰকাৰী প্ৰতিনিধিৰ উপৰিও এই সন্মিলনত সামুন্নাটি, ৰং দে, এফ ডব্লিউ ডব্লিউ বি আৰু নবকিশানকে ধৰি বিত্তীয় খণ্ডৰ মূল অংশীদাৰসকল উপস্থিত থাকে, যিয়ে কৃষি খণ্ডৰ বাবে নিৰ্মিত বিত্তীয় সমাধানৰ বিষয়ে আলোকপাত কৰে। এছ ভি এগ্ৰি, একুৱাইস্টা, নিউট্ৰিগ’নাচুৰা আৰু আশ্ৰয় ফুডছ আদি বজাৰৰ মূল সংস্থাসমূহে অংশগ্ৰহণ কৰি কৃষি উন্নয়নত সহায়ক হোৱাকৈ উদ্ভাৱনীমূলক সামগ্ৰী আৰু সেৱাসমূহ প্ৰদৰ্শন কৰে।
এ টি এম এছ, মাৰ্গদৰ্শক বিত্তীয় সেৱা আৰু আই আই ইকে ধৰি ক্লাষ্টাৰ ভিত্তিক ব্যৱসায়িক সংস্থাসমূহৰ প্ৰতিনিধিয়ে শীৰ্ষ সন্মিলনত অংশগ্ৰহণ কৰি নেটৱৰ্কিংৰ সুযোগসমূহ সমৃদ্ধ কৰে।
“বিত্তীয় আৰু বজাৰত প্ৰৱেশৰ ওপৰত এফপিঅ’ সন্মিলন”-এ কৃষি খণ্ডত বহনক্ষম বিকাশ আৰু সহযোগিতাৰ বাবে অনুঘটক হিচাপে কাম কৰাৰ লগতে এফপিঅ’সমূহক কৃষি বিত্তীয় সাহায্য আৰু বজাৰত প্ৰৱেশৰ বিকশিত পৰিৱেশত পথ নিৰ্দেশনা দিবলৈ সক্ষম হয়।