গুৱাহাটীত উত্তৰ-পূৰ্বাঞ্চলৰ সৰ্ববৃহৎ বেকাৰী ইভেন্ট – কেক’লজি ২০২৫

নৱবার্তা গুৱাহাটী:
উত্তৰ পূৰ্বাঞ্চলৰ সৰ্ববৃহৎ বেকাৰী ইভেন্ট কেক’লজী ২০২৫ৰ মুখ্য বিচাৰক হিচাপে আন্তঃৰাষ্ট্ৰীয় বঁটা বিজয়ী কেক আৰ্টিষ্ট তথা তিনিবাৰকৈ বিশ্ব অভিলেখ ৰচিবলৈ সক্ষম হোৱা (ৱৰ্ল্ড বুক অৱ ৰেকৰ্ডছ, লণ্ডন) প্ৰাচী ধবল দেৱ গুৱাহাটীত উপস্থিত হোৱাৰ লগে লগে বেকিং উৎকৰ্ষতাৰ এক ভৱিষ্যৎ উদযাপনৰ সাক্ষী হ’বলৈ সাজু হৈছে গুৱাহাটী চহৰ ।
গুৱাহাটীৰ মণিৰাম দেৱান ট্ৰেড চেন্টাৰত ৩১ জানুৱাৰীৰ পৰা ২ ফেব্ৰুৱাৰীলৈকে তিনিদিনীয়া কাৰ্যসূচীৰে আয়োজন কৰা এই অনুষ্ঠানটোত সমগ্ৰ অঞ্চলৰ ২০০তকৈ অধিক কেক আৰ্টিষ্টে অংশগ্ৰহণ কৰাৰ সম্ভাৱনা আছে, যিয়ে এই অনুষ্ঠানটোক প্ৰতিভা, উদ্ভাৱন, আৰু উদ্যোগ নেটৱৰ্কিঙৰ এক লেণ্ডমাৰ্ক প্লেটফৰ্ম হিচাপে পৰিগণিত কৰিব । প্ৰাচীৰ উপস্থিতিয়ে উত্তৰ-পূৰ্বাঞ্চলৰ উচ্চাকাংক্ষী বেকাৰসকলৰ বাবে আন্তঃৰাষ্ট্ৰীয় ধাৰাসমূহৰ বিষয়ে জ্ঞান লাভ কৰাৰ, নিজৰ কলাক উন্নত কৰাৰ, আৰু ৰাষ্ট্ৰীয় পৰ্যায়ত নিজৰ প্ৰসাৰ সম্প্ৰসাৰণৰ এক সোণালী সুযোগ প্ৰদান কৰিব ।
ৰয়েল আইচিং কৌশল আৰু জটিল খাদ্য কলাৰ বিশেষজ্ঞতাৰ বাবে বিখ্যাত প্ৰাচীয়ে অসংখ্য বেকাৰক পৰামৰ্শ আগবঢ়াই তেওঁলোকক বিশ্বব্যাপী বেকিং ট্ৰেণ্ড আৰু ব্যৱসায়িক কৌশল আয়ত্ব কৰিবলৈ সহায় কৰিছে । কেক’লজি ২০২৫ত প্ৰাচীৰ উপস্থিতিয়ে অনুষ্ঠানটোৰ মান বৃদ্ধি কৰি, ব্যৱহাৰিক শিক্ষা, বিশেষজ্ঞৰ মাৰ্গ দৰ্শন, আৰু অত্যাধুনিক কৌশলৰ সৈতে পৰিচিত কৰাই অঞ্চলটোৰ বেকিঙৰ ভৱিষ্যত গঢ় দিব পৰা সুবিধা প্ৰদান কৰিব ।
এই অনুষ্ঠানটো উত্তৰ-পূৰ্বাঞ্চলৰ বেকিং সমুদায়ৰ বাবে এক উল্লেখযোগ্য মাইলৰ খুঁটি হিচাপে চিহ্নিত হ’ব, য’ত শিল্পীসকলক শিকিবলৈ, প্ৰতিযোগিতাত অংশগ্ৰহণ কৰিবলৈ, আৰু ৰাষ্ট্ৰীয় মঞ্চত উজলি উঠিবলৈ এক বিৰল সুযোগ প্ৰদান কৰে । সৃষ্টিশীলতা আৰু কাৰুকাৰ্য্যৰ এক অবিস্মৰণীয় প্ৰদৰ্শনৰ বাবে অনুষ্ঠানটোৰে সংযুক্ত হওক।